ରାଫେଲ ରାଜିନାମା ପରେ ଅନୀଲ ଅମ୍ବାନୀଙ୍କ ୧୧୦୦ କୋଟି ଟଙ୍କାର ଟିକସ୍‍ ଛାଡ଼ କରିଛନ୍ତି ଫ୍ରାନ୍ସ ସରକାର!

0
303

ନୂଆଦିଲ୍ଲୀ : ରିଲାଏନ୍ସ ଗ୍ରୁପ୍‍ ଅଧ୍ୟକ୍ଷ ଅନୀଲ ଅମ୍ବାନୀଙ୍କ ସମସ୍ୟା ପୁଣି ଥରେ ବଢୁଥିବା ଦେଖିବାକୁ ମିଳିଛି। ଫ୍ରାନ୍ସ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ ୨୦୧୫ ରାଫେଲ ଯୁଦ୍ଧ ବିମାନ ରାଜିନାମା ପରେ ଫ୍ରାନ୍ସ ସରକାର ଅନୀଲ ଅମ୍ବାନୀଙ୍କ ଏକ କମ୍ପାନୀକୁ ୧୧୦୦ କୋଟି ଟଙ୍କାର ଟିକସ୍‍ ଛାଡ଼ କରିଛନ୍ତି। ରାଫେଲ ରାଜିନାମା ପ୍ରକ୍ରିୟା ଆରମ୍ଭର ୬ ମାସ ମଧ୍ୟରେ ଅନୀଲ ଅମ୍ବାନୀଙ୍କ ଫ୍ରାନ୍ସସ୍ଥିତ କମ୍ପାନୀଙ୍କୁ ଏହି ଟିକସ୍‍ ଛାଡ଼ କରାଯାଇଛି। ଫ୍ରାନ୍ସ ଖବରକାଗଜ ‘ଲି ମୋଣ୍ଡେ’ ରିପୋର୍ଟ ଅନୁସାରେ ୨୦୧୫ ଫେବୃଆରୀରୁ ଅକ୍ଟୋବର ମଧ୍ୟରେ ଭାରତ ଓ ଫ୍ରାନ୍ସ ମଧ୍ୟରେ ରାଫେଲ ରାଜିନାମା ନେଇ ଆଲୋଚନା ଚାଲିଥିଲା। ଏହି ସମୟରେ ଫ୍ରାନ୍ସ ସରକାର ଅନୀଲ ଅମ୍ବାନୀଙ୍କ କମ୍ପାନୀକୁ ୧୧୦୦ କୋଟି ଟଙ୍କା (୧୪୩ ନିୟୁତ ୟୁରୋ) ଟିକସ୍‍ ଛାଡ଼ କରାଯାଇଛି।
ଉଲ୍ଲେଖଯୋଗ୍ୟ ଯେ ରାଫେଲ ରାଜିନାମାରେ ଡାସଲ୍ଟ ସହ ଅନୀଲ ଅମ୍ବାନୀଙ୍କ ରିଲାଏନ୍ସ ଡିଫେନ୍ସ କମ୍ପାନୀ ଅଫସେଟ ପାର୍ଟନର ଅଛି।
ଫ୍ରାନ୍ସରେ ଅନୀଲ ଅମ୍ବାନୀଙ୍କ ଏକ ପଞ୍ଜିକୃତ ଟେଲିକମ (ଦୂରସଂଚାର) କମ୍ପାନୀ ଅଛି। ଏହି କମ୍ପାନୀର ନାମ ହେଉଛି ‘ରିଲାଏନ୍ସ ଆଟଲାଣ୍ଟିକ ଫ୍ଲାଗ ଫ୍ରାନ୍ସ’। ଫ୍ରାନ୍ସ ଟିକସ୍‍ ଅଧିକାରୀ ଯାଞ୍ଚ ସମୟରେ ୨୦୦୭ରୁ ୨୦୧୦ ମଧ୍ୟରେ ୬୦ ନିୟୁତ ୟୁରୋ ଟିକସ୍‍ ବାକିଥିବା ଜାଣିବାକୁ ପାଇଥିଲେ। ଏହାପରେ ୨୦୧୦ରୁ ୨୦୧୨ ମଧ୍ୟରେ ଏହି କମ୍ପାନୀକୁ ୯୧ ମିଲିୟନ ୟୁରୋ ଅତିରିକ୍ତ ଟିକସ୍‍ ଜମା କରିବାକୁ କୁହାଯାଇଥିଲା। ପରେ ରାଫେଲ ରାଜିନାମା ସମୟରେ ଫ୍ରାନ୍ସ ସରକାର ‘ରିଲାଏନ୍ସ ଆଟଲାଣ୍ଟିକ ଫ୍ଲାଗ ଫ୍ରାନ୍ସ’ କମ୍ପାନୀ ଉପରୁ ୧୪୩ ନିୟୁତ ୟୁରୋ ଛାଡ଼ କରିଦେଇଥିଲେ।

Facebook Comments

READ  ୨୧ ମିନିଟ୍, ୧୨ଟି ଯୁଦ୍ଧ ବିମାନ, ୧୦୦୦ କିଲୋଗ୍ରାମ ବମ୍ ଏବଂ ୩୦୦ ଆତଙ୍କବାଦୀ ନିପାତ