ପିକନିକ ବସ ଦୁର୍ଘଟଣାଗ୍ରସ୍ତ, ୪୭ ଆହତ

0

ଅନୁଗୁଳ : ଏକ ପିକନିକ ବସ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୪୫ରୁ ଅଧିକ ଯାତ୍ରୀ ଆହତ ହୋଇଥିବାର ଜଣାପଡିଛି। ଏହି ଦୁର୍ଘଟଣାଟି ଅନୁଗୁଳ ଜିଲା ବନରପାଳ ମୁଖ୍ୟରାସ୍ତାର ଗୋତମରା ଗ୍ରାମ ନିକଟରେ ଘଟିଛି। ରାତି ପ୍ରାୟ ୨ଟାରେ ଏହି ଦୁର୍ଘଟଣା ଘଟିଛି। ଆହତଙ୍କୁ ଉଦ୍ଧାର କରାଯାଇ ଅନୁଗୁଳ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ସୂଚନାଯୋଗ୍ୟ ଯେ, କେନ୍ଦ୍ରାପଡା ଠାକୁରହାଟ ଅଞ୍ଚଳର ପ୍ରାୟ ୬୦ଜଣ ଲୋକ ଏକ ବସ ଯୋଗେ ପିକନିକ ଯାଉଥିଲେ। ସେମାନେ ରାଉରକେଲାକୁ ପିକନିକ କରିବାକୁ ଯାଉଥିଲେ। ବିଳମ୍ବିତ ରାତିରେ ରାସ୍ତାରେ ଏକ ଟ୍ରକ ସହ ବସର ମୁହାଁମୁହିଁ ଧକ୍କା ହୋଇଥିଲା। ଆହତଙ୍କ ମଧ୍ୟରେ ୪ଜଣ ଶିଶୁ ରହିଥିବା ବେଳେ ୧୮ଜଣ ମହିଳା ଥିବାର ଜଣାପଡିଛି। ଗୁରୁତରଙ୍କ ମଧ୍ୟରୁ ୨ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି।

 

Leave A Reply