ଚଳିତ ଶିକ୍ଷାବର୍ଷରୁ ନବୋଦୟ ବିଦ୍ୟାଳୟରେ ଅଧିକ ୫୦୦୦ ସିଟ୍‍

0
111

ନୂଆଦିଲ୍ଲୀ :  ୨୦୧୯-୨୦ ଶିକ୍ଷାବର୍ଷ ପାଇଁ ସାରା ଦେଶରେ ଜବାହର ନବୋଦୟ ବିଦ୍ୟାଳୟରେ ଅଧିକ ୫୦୦୦ ସିଟ୍‍ ବୃଦ୍ଧି କରାଯାଇଛି। କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ଏହାକୁ ଅନୁମୋଦନ କରିଛି।
କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭଡେକର ଏହି ସୂଚନା ଦେଇ କହିଛନ୍ତି ବର୍ତ୍ତମାନ ନବୋଦୟ ବିଦ୍ୟାଳୟରେ ଛାତ୍ରଛାତ୍ରୀଙ୍କପାଇଁ ୪୬ ହଜାର ୬୦୦ ସିଟ ରହିଛି। ଏହି ୫୦୦୦ ସିଟ୍‍ ବୃଦ୍ଧି ପାଇଲେ ମୋଟ ସିଟ୍‍ ସଂଖ୍ୟା ୫୧ ହଜରକୁ ବୃଦ୍ଧି ପାଇବ।
ତେବେ ଗତ ୪ ବର୍ଷ ମଧ୍ୟରେ ଏହି ଆବାସିକ ବିଦ୍ୟାଳୟରେ ମୋଟ୍‍ ୯୦୦୦ ସିଟ୍‍ ବୃଦ୍ଧି କରାଯାଇଥିବା କେନ୍ଦ୍ରମନ୍ତ୍ରୀ ସୂଚନା ଦେଇଛନ୍ତି। ତେବେ ୨୦୧୯-୨୦ ଶିକ୍ଷା ବର୍ଷ ପାଇଁ ମୋଟ ୩୧ ଲକ୍ଷ ଛାତ୍ରଛାତ୍ରୀ ପ୍ରବେଶିକା ପରୀକ୍ଷା ଲାଗି ନାମ ପଞ୍ଜୀକରଣ କରିଥିବା କେନ୍ଦ୍ରମନ୍ତ୍ରୀ ସୂଚନା ଦେଇଛନ୍ତି। ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରିବାପାଇଁ କେନ୍ଦ୍ର ସରକାର ଗୁରୁତ୍ୱ ଦେଉଥିବା ମନ୍ତ୍ରୀ କହିଛନ୍ତି। ନବୋଦୟ ହେଉଛି ଦେଶର ଏକମାତ୍ର ଶିକ୍ଷା ବ୍ୟବସ୍ଥା ଯେଉଁଥିରେ ଷଷ୍ଠ ଶ୍ରେଣୀରେ ନାମ ଲେଖାଇବା ପାଇଁ ଛାତ୍ରଛାତ୍ରୀମାନଙ୍କୁ ପ୍ରବେଶିକା ପରୀକ୍ଷା ଦେବାକୁ ପଡିଥାଏ ।

LEAVE A REPLY

Please enter your comment!
Please enter your name here