ତାଡ଼ି ପିଇ ନାବାଳକ ଛାତ୍ର ସମେତ ୫ ଗୁରୁତର

0

ବଣାଇ: ବଣାଇର ସାତକୁଟା ଗାଁରେ ଖଜୁରୀ ତାଡ଼ି ପିଇ ୫ଜଣ ଗୁରୁତର ହୋଇଛନ୍ତି। ସେମାନଙ୍କ ମଧ୍ୟରେ ଜଣେ ନାବାଳକ ଛାତ୍ର ରହିଛନ୍ତି। ମଙ୍ଗଳବାର ସନ୍ଧ୍ୟାରେ ଏମାନେ ଗାଁ ନିକଟରେ ଖଜୁରୀ ତାଡ଼ି ପିଇଥିଲେ। ବିଳମ୍ବିତ ରାତିରେ ସେମାନେ ଅସୁସ୍ଥ ହୋଇପଡ଼ିଥିଲେ। ଗାଁ ଲୋକେ ସେମାନଙ୍କ ପରିବାର ଲୋକଙ୍କୁ ଖବର ଦେଇଥିଲେ। ପରିବାର ଲୋକେ ପହଞ୍ଚି ସେମାନଙ୍କୁ ବଣାଇ ମେଡିକାଲକୁ ନେଇଥିଲେ। ସେଠାରେ ଚିକିତ୍ସା ଚାଲିଥିବା ବେଳେ ସ୍ବାସ୍ଥ୍ୟାବସ୍ଥାରେ ପରିବର୍ତ୍ତନ ନ ଆସିବାରୁ ସମସ୍ତଙ୍କୁ ରାଉରକେଲା ମେଡିକାଲକୁ ସ୍ଥାନାନ୍ତର କରାଯାଇଛି। ବର୍ତ୍ତମାନ ସମସ୍ତଙ୍କ ସ୍ବାସ୍ଥ୍ୟବସ୍ଥା ଭଲ ଥିବା ସୂଚନା ମିଳିଛି।

Leave A Reply