ଶେଷହେଲା ଖାତା ଦେଖା ; ମେ’ରେ ମାଟ୍ରିକ ପରୀକ୍ଷାଫଳ

କଟକ  : ମାର୍ଚ୍ଚ ୨୫ ତାରିଖରୁ ଆରମ୍ଭ ହୋଇଥିବା ମାଟ୍ରିକ ପରୀକ୍ଷା ଖାତାଦେଖା ଶୁକ୍ରବାର ଶେଷ ହୋଇଥିବା ମାଧ୍ୟମିକ ଶିକ୍ଷା ପରିଷଦ (ବୋର୍ଡ)ର ସଭାପତି ଡ. ଜାହାନ୍‍ ଆରା ବେଗମ୍‍ ସୂଚନା ଦେଇଛନ୍ତି। ଏଥିସହ ମଧ୍ୟମା ଓ ରାଜ୍ୟ ମୁକ୍ତ ବିଦ୍ୟାଳୟ ପରୀକ୍ଷା ଖାତା ମୂଲ୍ୟାୟନ ମଧ୍ୟ ଶେଷ ହୋଇଛି। ମେ’ରେ ପରୀକ୍ଷା ଫଳ ପ୍ରକାଶ ପାଇବ ବୋଲି ବୋର୍ଡ ପକ୍ଷରୁ ଜଣାଯାଇଛି।
ସମଗ୍ର ରାଜ୍ୟରେ ମୋଟ ୬୦ଟି ମୂଲ୍ୟାୟନ କେନ୍ଦ୍ରରେ ୧୬,୩୮୨ ଜଣ ପରୀକ୍ଷକ ନିଯୁକ୍ତ ହୋଇଥିଲେ। ୫୦ଟି ମୂଲ୍ୟାୟନ କେନ୍ଦ୍ରରେ ମାଟ୍ରିକ ଏବଂ ୫ଟି କେନ୍ଦ୍ରରେ ମଧ୍ୟମା ଓ ୫ଟି ମୂଲ୍ୟାୟନ କେନ୍ଦ୍ରରେ ରାଜ୍ୟ ମୁକ୍ତ ବିଦ୍ୟାଳୟ ପରୀକ୍ଷା ଖାତାଦେଖା ହୋଇଥିଲା। ଖାତାଦେଖା ପରେ ମୂଲ୍ୟାୟନ କେନ୍ଦ୍ରରୁ ପରୀକ୍ଷାର୍ଥୀଙ୍କ ମାର୍କ ଅନ୍‍ଲାଇନ୍‍ ଜରିଆରେ ପ୍ରସେସିଂ ଫାର୍ମକୁ ପ୍ରେରଣ କରାଯାଇଥିଲା। ଆଉ ପରୀକ୍ଷାଫଳ ତ୍ରୁଟିଶୂନ୍ୟ କରିବାକୁ ଆଉ କେତେକ କାର୍ଯ୍ୟ ବାକି ରହିଛି। ଆଗାମୀ ଏକ ସପ୍ତାହ ମଧ୍ୟରେ ସେସବୁ ଶେଷ ହେବ କରିବାକୁ ଲକ୍ଷ୍ୟ ରହିଛି।

Comments are closed.