କନ୍ଦମୂଳ ଖାଇବାକୁ ଯାଇ ଦୁଇ ଛାତ୍ରଙ୍କ ମୃତ୍ୟୁ

0
171
Pic courtesy : CitySpidey

ପଟାଙ୍ଗି: କୋରାପୁଟ ଜିଲା ପଟାଙ୍ଗି ବ୍ଲକ ଅନ୍ତର୍ଗତ କୁଟିଆ ପଞ୍ଚାୟତର ତୁରିଆ ଗ୍ରାମସ୍ଥିତ ସରକାରୀ ଉଚ୍ଚବିଦ୍ୟାଳୟର ଦୁଇ ଛାତ୍ରଙ୍କ ମୃତ୍ୟୁ ଘଟିଛି। ପୁଲିସ ସୂଚନା ଅନୁଯାୟୀ ସରକାରୀ ବିଦ୍ୟାଳୟର ପଞ୍ଚମ ଶ୍ରେଣୀରେ ପଢ଼ୁଥିବା ଦୁଇ ଛାତ୍ର ଟୁନା ଖରା ଓ ସୁବାସ ଖରା ସନ୍ଧ୍ୟା ସମୟରେ ଜଳଖିଆ ଖାଇ କନ୍ଦମୂଳ କନ୍ଦା ଖୋଳିବା ନିମେନ୍ତ ଯାଇଥିଲେ। ତେବେ ବାର୍‍ହା ପାଇଁ ଖୋଳାଯାଇଥିବା ଗାତରେ ସେମାନେ ପଡ଼ିଯାଇ ଗୁରୁତର ଅସୁସ୍ଥ ହୋଇପଡ଼ିଥିଲେ। ସେମାନଙ୍କୁ କୁନ୍ଦୁଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାଯାଇଛି। ତେବେ ବାହାରୁ ମିଳିଥିବା ସୂଚନା ଅନୁଯାୟୀ କନ୍ଦମୂଳ ପୋଡ଼ି ଖାଇବାକୁ ଛାତ୍ର ଦୁଇଜଣ ଯାଇଥିବାବେଳେ ସେମାନଙ୍କ ଉପରେ ପଥର ପଡ଼ିଯାଇଥିଲା। ଗୁରୁତର ଅବସ୍ଥାରେ ସେମାନଙ୍କୁ କୁନ୍ଦୁଲି ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିବାବେଳେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ମୃତ ଛାତ୍ର ସେମିଳିଗୁଡ଼ା ବ୍ଲକର ହୋଇଥିବାବେଳେ ଟୁନାର ଘର ଭିତରକୋଟା ଗାଁରେ ଓ ସୁବାସର ପୁଟସିଲ ଗାଁରେ ବୋଳି ଜଣାଯାଇଛି।
ସୁନାବେଡ଼ା ଏସଡିପିଓ ନିରଞ୍ଜନ ବେହେରା ଓ ପଟାଙ୍ଗି ପୁଲିସ ଉପସ୍ଥିତ ରହି ତଦନ୍ତ ଚଳାଇଥିବା ଜଣାଯାଇଛି। ଅନ୍ୟପକ୍ଷରେ ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି।

LEAVE A REPLY

Please enter your comment!
Please enter your name here