ମେଷ: ଜଞ୍ଜାଳରୁ ମୁକ୍ତି ମିଳିବ। ନିଜକୁ କଳହମୁକ୍ତ ରଖିବାକୁ ପଡ଼ିବ। ମନ ଚଞ୍ଚଳ ରହିବ। ମାନ-ଅଭିମାନର ପରିସମାପ୍ତି ଘଟିପାରେ। ଆଶାନୁରୂପ ଧନ ମିଳିପାରେ। ତନ୍ତ୍ର-ମନ୍ତ୍ରାଦି ଗୁପ୍ତ ବିଦ୍ୟା ପ୍ରତି ଆଗ୍ରହୀ ହେବେ।
ବୃଷ: ଆପଣଙ୍କ ଶ୍ରମର ମୂଲ୍ୟାଙ୍କନ ହେବ। ସନ୍ମାର୍ଗୀ ହେବେ। ବିବେକୀ ବ୍ୟକ୍ତି ଭାବେ ଲୋକପ୍ରିୟତା ଅର୍ଜନ କରିବେ। ଉଦାର ସ୍ୱଭାବର ହେବେ। ଦାନଶୀଳ ହୋଇପାରନ୍ତି। କୃଷି କାର୍ଯ୍ୟରେ ତତ୍ପର ହେବେ। ସୁସ୍ଥ ରହିବେ।
ମିଥୁନ: କାର୍ଯ୍ୟ ଦକ୍ଷତା ବୃଦ୍ଧି ପାଇବ। କୌଣସି କାରଣରୁ ଦ୍ୱିଧାଗ୍ରସ୍ତ ହୋଇପାରନ୍ତି। ନିର୍ଭୀକ ହେବେ। ସାଧୁ ସେବା କରି ନିଜକୁ ଧନ୍ୟ ମନେ କରିବେ। ମହତ୍ବ୍ୟକ୍ତିର ପରିଚୟ ଦେବେ। ଶାସ୍ତ୍ରାନୁରକ୍ତି ହେବେ। ବିବାଦରେ ବିଜୟୀ ହେବେ।
କର୍କଟ: ନିଜ ସ୍ୱାସ୍ଥ୍ୟ ପ୍ରତି ଯତ୍ନବାନ ହେବାକୁ ପଡ଼ିବ। ବିଭିନ୍ନ ସ୍ତରରୁ ଧନାଗମର ସୂଚନା ମିଳୁଛି। ପର ସ୍ତ୍ରୀକୁ ମାତୃବତ୍ ଆଚରଣ ପ୍ରଦର୍ଶନ କରିବେ। ବିଦ୍ୟାପ୍ରେମୀ ହେବେ। ମିତ୍ର ସୁଖ ମିଳିପାରେ। ତ୍ୟାଗପୂତ ମନୋବୃତ୍ତି ଗ୍ରହଣ କରିପାରନ୍ତି।
ସିଂହ: ଭୁଲ ସିଦ୍ଧାନ୍ତରେ ଉପନୀତ ହୋଇ ଖର୍ଚ୍ଚାନ୍ତ ହେଲେ ବି; ରୋଜଗାର ପ୍ରଚୁର ପରିମାଣର ହୋଇପାରେ। ରୁଚିକର ଭୋଜନରେ ଆପ୍ୟାୟିତ ହେବେ। ସନ୍ତାନ ସୁଖ ନ ମିଳିପାରେ। ଚିନ୍ତାଧାରା ଉନ୍ନତମାନର ହେବ। ବନ୍ଧୁ ସାହାଯ୍ୟ ମିଳିବ।
କନ୍ୟା: ଚାଷ-ବାସକୁ ସଜାଡ଼ି ଆନନ୍ଦ ଅନୁଭବ କରିପାରନ୍ତି। ଆୟ ଉତ୍ତମ ଧରଣର ହେବ। ଖର୍ଚ୍ଚ ତତୋଧିକ ହୋଇପାରେ। ମଧୁରଭାଷୀ ହେବେ। ଚଞ୍ଚଳ ସ୍ୱଭାବର ହୋଇପାରନ୍ତି। ଗୁପ୍ତ ବିଦ୍ୟାରେ ରୁଚି ରହିବ। ସୁଖୀ ହେବେ।
ତୁଳା: କର୍ମ ଚଞ୍ଚଳ ରହିବେ। ସତ୍ୟାନୁରକ୍ତ ହେବେ। ପୁଣ୍ୟବାନ ହୋଇପାରନ୍ତି। ବକ୍ତାଭାବେ ପ୍ରତିଷ୍ଠା ଲାଭ କରିବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ। ବହୁ ହିତୈଷୀ ବନ୍ଧୁଙ୍କ ସାନ୍ନିଧ୍ୟ ମିଳିବ। ସରକାରୀ ସ୍ତରରୁ ସମ୍ମାନ ଓ ଧନଲାଭ ହେବ।
ବିଛା: ମାନସିକ ସ୍ତରରେ ଶାନ୍ତିର ବାତାବରଣ ସୃଷ୍ଟି ହେବ। ପରୋପକାର କରି ଆତ୍ମସନ୍ତୋଷ ଲାଭ କରିବେ। ପୁଣ୍ୟ ଅର୍ଜନ କରିବେ। ଶାସ୍ତ୍ରପ୍ରତି ଅନୁରକ୍ତ ରହିବ। ନାନା ବିଭବରେ ମଣ୍ଡିତ ହୋଇପାରନ୍ତି। ବହୁ ଗୌରବର ଅଧିକାରୀ ହେବେ।
ଧନୁ: ଜନମଙ୍ଗଳ କାର୍ଯ୍ୟରେ ଲିପ୍ତ ହୋଇପାରନ୍ତି। ଧର୍ମ ଆଶ୍ରିତ ହେବେ। ସତ୍କର୍ମରେ ନିୟୋଜିତ ହେବେ। ପ୍ରଭୁତ୍ୱ ବିସ୍ତାର କରିପାରନ୍ତି। ଦୃଷ୍ଟିଭଙ୍ଗୀ ଉଚ୍ଚକୋଟିର ହେବ। ମନ ପ୍ରଫୁଲ୍ଲ ରହିବ। ସେବା ପରାୟଣ ମନୋଭାବ ରହିବ।
ମକର: ଗୃହ କାର୍ଯ୍ୟରେ ବ୍ୟସ୍ତ ରହିପାରନ୍ତି। କର୍ମକ୍ଷେତ୍ର ଉତ୍ସାହ ବୃଦ୍ଧି ପାଇବ। ନିକୃଷ୍ଟ ସାଙ୍ଗମାନଙ୍କ ଠାରୁ ଦୂରେଇ ରହିବାକୁ ପଡ଼ିବ। ଯୁଗ୍ମ ବ୍ୟବସାୟରୁ ସ୍ୱଳ୍ପ ଲାଭ ମିଳିବ। ଅଷ୍ଟମ ଚନ୍ଦ୍ର ଭୋଗ ହେଉଥିବାରୁ ପ୍ରତ୍ୟେକ କ୍ଷେତ୍ରରେ ସତର୍କ ହେବେ।
କୁମ୍ଭ: ଦୃଢ଼ ମନୋବଳ ନେଇ କାର୍ଯ୍ୟ ସମ୍ପାଦନ କରିବେ। ଦୁଶ୍ଚରିତ୍ର ବ୍ୟକ୍ତିମାନଙ୍କୁ ଦୂରେଇ ଦେବେ। ସେବା ପରାୟଣ ମନୋଭାବର ହୋଇପାରନ୍ତି। ବିଦ୍ୟାରୂପକ ମହାଧନ ଅର୍ଜନ କରିପାରନ୍ତି। ଧର୍ମ ପ୍ରିୟ ସଙ୍ଗୀତ ପ୍ରିୟ ହେବେ। ସାଧୁ ସେବା କରିବେ।
ମୀନ: କାର୍ଯ୍ୟରେ ସଫଳତା ଲାଭ କରିବେ। ସମ୍ମାନକୁ ଜଗି ଚଳିବାକୁ ପଡ଼ିବ। ଶତ୍ରୁ ବିନାଶ କରି ଆଶ୍ୱସ୍ତ ହେବେ। ରାଜପ୍ରସାଦ ଭଳି ଗୃହରେ ଅବସ୍ଥାନ କରି ସୁଖ ପାଇ ପାରନ୍ତି। ସୁବର୍ଣ୍ଣ ଭଳି ମୂଲ୍ୟବାନ ପଦାର୍ଥ ଲାଭ ହେବ। ଐଶ୍ୱର୍ଯ୍ୟପ୍ରାପ୍ତ ହେବେ।