ବକ୍ସ ଓ ବ୍ୟାଗ୍‍ ଭିତରୁ ମିଳିଲା ୧୨ ଶିଶୁର ମୃତ ଦେହ

0

ନାଇରୋବି: କେନିଆର ଏକ ଡାକ୍ତରଖାନାରୁ ବାକ୍ସ ଓ ବ୍ୟାଗ୍‍ ଭିତରେ ୧୨ଟି ଶିଶୁର ମୃତ ଶରୀର ଥିବା ଠାବ କରାଯାଇଛି। ନାଇରୋବି ରାଜ୍ୟପାଳ ମାଇକ ସୋଙ୍କୋ ଘଟଣାର ତଦନ୍ତ ନିର୍ଦେଶ ଦେଇଛନ୍ତି।
ସୂଚନା ଅନୁଯାୟୀ, ପୁମ୍‍ୱାନି ସ୍ତ୍ରୀ ଓ ପ୍ରସୂତି ଡାକ୍ତରଖାନାରେ ଏଭଳି ଘଟଣା ଘଟିଛି। ଜନ୍ମ ହେବା ପରେ ମୃତ୍ୟୁ ଘଟିଥିବା ୧୨ଟି ଶିଶୁର ମୃତଦେହକୁ ଗୋଟିଏ ବାକ୍ସ ଓ ବ୍ୟାଗ୍‍ ଭିତରେ ରଖାଯାଇଥିଲା। ଗୋଟିଏ ନିବୁଜ କୋଠରିରେ ନବଜାତକଙ୍କ ମୃତ ଦେହ ରଖାଯାଇଥିବା ଜଣେ ଅଜ୍ଞାତ ବ୍ୟକ୍ତି ସୂଚନା ଦେଇଥିଲା। ଏହି ସୂଚନା ଆଧାରରେ ଗଭର୍ଣ୍ଣର ସୋଙ୍କୋ ନିଜେ ଉକ୍ତ ଡାକ୍ତରଖାନା ଯାଇ ଯାଞ୍ଚ ନିର୍ଦେଶ ଦେଇଥିଲେ। ରାଜ୍ୟପାଳଙ୍କ ସାମ୍‍ନାରେ ବାକ୍ସଗୁଡ଼ିକୁ ଗୋଟି ଗୋଟି କରି ଯାଞ୍ଚ କରାଯିବା ପରେ ସେଥିମଧ୍ୟରୁ ୧୨ଟି ମୃତ ଦେହ ମିଳିଥିଲା। ଏହାପରେ ଡାକ୍ତରଖାନା ଅଧୀକ୍ଷକଙ୍କ ସମେତ ଏକାଧିକ ଡାକ୍ତର ଓ କର୍ମଚାରୀଙ୍କୁ ନିଲମ୍ବନ କରାଯାଇଛି। ମୃତ ଦେହଗୁଡ଼ିକୁ କିଏ ଓ କାହିଁକି ରଖିଥିଲା ତାହା ଜଣାପଡ଼ିନାହିଁ।

Leave A Reply