ମମ୍ବଇ . – ମୁମ୍ବଇ ମହାନଗର ନିଗମର ଥାନେ ଅଞ୍ଚଳରେ ମଙ୍ଗଳବାର ଭୋରରେ ଭୟାବହ ଅଗ୍ନିକାଣ୍ଡ ଘଟିଛି । ରାସାୟନିକ ଦ୍ରବ୍ୟ ଗଚ୍ଛିତ ରହୁଥିବା ଏକ ଗୋଦାମରେ ହଠାତ୍ ନିଆଁ ଲାଗିଯାଇଥିଲା । ଏଥିରେ କେହି ମୃତାହତ ହୋଇ ନଥିବା ମୁମ୍ବଇ ଅଗ୍ନିଶମ ବିଭାଗ ପକ୍ଷରୁ ସୂଚନା ଦିଆଯାଇଛି ।
ସୋମବାର ବିଳମ୍ବିତ ରାତି ବା ମଙ୍ଗବାର ୧.୫୦ ଏଏମ୍ରେ ଏହି ଗୋଦାମ ଘରେ ନିଆଁ ଲାଗିଥିବା ସୂଚନା ମିଳିଥିଲା । ଥାନେର ଡାପୋଡା ଅଞ୍ଚଳରେ ଥିବା ଏକା ଗୋଦାମରେ ନିଆଁ ଲାଗିଥିଲା । ନିଆଁ ଏତେ ବ୍ୟାପକଥିଲା ସଙ୍ଗେ ସଙ୍ଗେ ଏହା ଅନ୍ୟ ଗୋଦାମମାନଙ୍କୁ ବ୍ୟାପି ଯାଇଥିଲା । ମୁମ୍ବଇର ବିଭିନ୍ନ ସ୍ଥାନରୁ ୬ଟି ଫାୟାର ବ୍ରିଗେଡ୍ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିବା ପାଇଁ ଚେଷ୍ଟା କରିଥିଲେ ।
ରାସାୟନିକ ଗୋଦାମରେ ନିଆଁ ଲାଗିବା ପରେ ଏହି ସ୍ଥାନରେ ଭୀଷଣ ଗନ୍ଧ ହୋଇଥିଲା । ଅଗ୍ନିଶମ ବିଭାଗର କର୍ମଚାରୀଙ୍କ ପାଇଁ ଏହା ଏକ ଅଡୁଆ ପରିସ୍ଥିତି ସୃଷ୍ଟି କରିଥିଲା ।
