ବିହାରକୁ ୯-୦ରେ ହରାଇଲା ଓଡ଼ିଶା

ଜାତୀୟ ଜୁନିୟର ମହିଳା ହକି

0
291

କଟକ: କେରଳର କୋଲ୍ଲମ୍ ସହରରେ ଚାଲିଥିବା ୯ମ ହକି ଇଣ୍ଡିଆ ଜାତୀୟ ଜୁନିୟର ମହିଳା ହକି ପ୍ରତିଯୋଗିତାରେ ଶନିବାର ଓଡ଼ିଶା ଦଳ ବିଜୟୀ ହୋଇଛି। ପୁଲ୍‌ ‘ଡି’ର ଏକ ମ୍ୟାଚ୍‌ରେ ବିହାରକୁ ୯-୦ ଗୋଲ୍‌ର ବିପୁଳ ବ୍ୟବଧାନରେ ଓଡ଼ିଶା ପରାସ୍ତ କରିଛି। ଓଡ଼ିଶା ପାଇଁ ଅବିନାଶା ମୁକ୍ତି ସୁରିନ୍ ୨୮, ୩୨ ଓ ୩୮ ମିିନିଟରେ ୩ଟି ଗୋଲ୍‌ଦେଇ ହାଟ୍ରିକ୍ ଅର୍ଜନ କରିଥିଲେ। ନେହା ଲାକ୍ରା ୬ ଓ ୨୨ ମିନିଟରେ ୨ଟି ଗୋଲ୍ ଦେଇଥିଲେ। ମନୀଷା ମିଞ୍ଜ୍, ରଶ୍ମି କିଷାନ୍ ଓ ସରିତା କେରକେଟା ଗୋଟିଏ ଲେଖାଏଁ ଗୋଲ୍ ଦେଇଥିଲେ। ପ୍ରଥମ ମ୍ୟାଚ୍‌ରେ କର୍ଣ୍ଣାଟକ ସହ ହକି ଓଡ଼ିଶା ୨-୨ ଗୋଲ୍‌ରେ ମ୍ୟାଚ୍ ଡ୍ର ରଖିଥିଲା। ମଧ୍ୟପ୍ରଦେଶର ଗ୍ବାଲିୟରରେ ଚାଲିଥିବା ୯ମ ହକି ଇଣ୍ଡିଆ ଜାତୀୟ ସିନିୟର ପୁରୁଷ ହକି ଚମ୍ପିଆନ୍‌ସିପରେ ଓଡ଼ିଶା ଓ କାନାରା ବ୍ୟାଙ୍କ୍ ମଧ୍ୟରେ ୨ୟ ଲିଗ୍ ମ୍ୟାଚ୍‌ ଗୋଲ୍‌ଶୂନ୍ୟ ଡ୍ର ରହିଛି।

Facebook Comments

READ  ନନ୍ଦନକାନନ: ଏପ୍ରିଲରୁ ବଢ଼ିବ ପ୍ରବେଶ ଶୁଳ୍କ